Internasjonale råvarepriser gjekk ned med 2,7 prosent i mai

Foto: Stock.xchng

Vegetabilske råvarer
Kornprisane gjekk samla sett opp med 0,36 prosent i mai. Dette skuldast at prisen på ris gjekk opp med 4,3 prosent. Prisen på dei resterande kornslaga gjekk ned med mellom 0,1 og 2,0 prosent, der maisprisen medverka til størst nedgang. 

Prisane på alle råvarer innan kategorien oljefrø, oljer og proteinråvarer gjekk ned i mai, med unntak av prisen på soyabønnemel. Prisen på soyaolje og palmeolje gjekk ned med høvesvis. 8,0 prosent og 10,9 prosent. For peanøtter fell prisen med 23,3 prosent, medan endringane var mindre dramatiske for dei andre slaga innan denne kategorien. Sukkerprisindeksen fell med 5,1 prosent.

Figur 1. Prisutviklinga på internasjonale vegetabilske råvarer og matråvarer f.o.m. juli 2005 t.o.m. mai 2012. Kjelde: IMF (2012)

Figur 2. Prisutviklinga på internasjonale vegetabilske råvarer og matråvarer f.o.m. juli 2005 t.o.m. mai 2012. Kjelde: IMF (2012)

Animalske råvarer
Prisen på kjøtråvarer gjekk samla sett ned med 3,2 prosent i mai 2012, og følgjer såleis prisutviklinga frå førre månad. Lam hadde ein prisnedgang på 10,3 prosent, medan storfekjøt og svin hadde en prisnedgang på høvesvis 2,5 og 0,9 prosent. Prisen på fjørfekjøt auka med 0,9 prosent.

Prisutviklinga på internasjonale animalske råvarer og matråvarer f.o.m. juli 2005 t.o.m. mai 2012. Kjelde: IMF (2012)

Gjødselpriser
Verdsbanken har månadlege internasjonale snittpriser for ulike gjødselslag. I figur 4 visast prisutviklinga for fosfatsten, diammoniumsfosfat, urea og kaliumklorid frå juni 2005 og frem til i dag.
Samla sett gjekk gjødselprisane i mai opp med 1,6 prosent.

Figur 4. Prisutviklinga på internasjonale gjødselpriser f.o.m. juli 2005 t.o.m. mai 2012. Kjelde: Verdsbanken (2012)

Den norske krona svekka seg i forhold til amerikanske dollar i mai. Dette førde til at prisindeksen for internasjonale matråvarer gjekk opp med 0,1 prosent rekna i norske kroner. Samanhengen mellom IMFs prisindeks i USD, i NOK og valutakursen kjem fram i figur 5.

Figur 5. Valutakurs og prisutvikling på internasjonale matråvarer i norske kroner og USD f.o.m. juli 2005 t.o.m. mai 2012. Kjelde: IMF og Noregs Bank (2012)

Prisindeksane frå IMF er basert på prisutvikling på handelsvarer (import og eksport), og ikkje pris til forbruker. IMF korrigerer priser bakover i tid.

Aktuelle linkar:

• Aukande usikkerheit omkring internasjonale prisar på jordbruksråvarer. NILF notat 2009-13
• IMFs oversikt over råvarepriser
• FAO nettside «World Food Situation» med artiklar om matvaresituasjonen i verda
• Globalt marked med nasjonale særpreg. Utredning om konkurransen i de nordiske mineralgjødselmarkedene. NILF rapport 2010-1

Les og meir om matpriser.

For meir detaljerte opplysningar, kontakt Ellen Henrikke Aalerud

Publisert 14.06.2012